Chinland Club Election Commission Tlamtling Tein Kan Lim

WM Chinland Club Election Commission hruainak in tlamtling tein thimnak kan tuah khawh. Tutan thimnak hi Khrihfa bu based in thimnak tuah kan duh caah thimnak hruaitu nih voi6 bak meeting kan tuah. Khrihfa bu kip hruaitu he vo2 tiang meeting kan tuah hnu ah Khrihfa bu hruaitu hna a tam deuh nih Khrihfa bu base in thimnak tuah a ttha ko an kan ti caah.

A voi7nak meeting ah thimnak hi tlamtling tein kan tuah khawhmi a si.Tu lio kan ram sining hi a biapi tukmi caan chung ah kan um I ral a tho liomi miphun kan si caah Khrihfa bu kip nih thazaang kan chuah chin chin a herh tuk lio caan a si. Khrihfa bu dirkamhnak a um lo ahcun CNA/ CDF hi an thawn kho hrim lai lo. Khrihfa bu kip bochannak he a tubantuk in thimnak hi kan tuahmi a si.

Melbourne Nitlaklei um WM Chinland Club hi Chin miphun a thawnnak le lungrualnak caah biatak tein a zuam pengmi a si ve. 2011 December, CNF Emergency Conference caah Melbourne Nitlaklei um Khrihfa bu le mipi nih Australia dollars thong 70 le thong 9 bak an rak chuah. CNF Emergency Conference ah Chin ramkhel lei in Senior a simi hna Pu Lian UK.

Tleicia Dr. Za Hlei Thang, Salai Kip Khop Lian, Pu Nang Lian Thang tiang an rak i tel khawh dih. Tutan Min Aung Hlaing nih hramhram in uknak a lak hnu in CNF /A National Security Fund caah Australia dollars ting4 le thong 30 tiang a chuahpi tu zong a si. Salai Pawlu Thawng