Chin Ramkulh Chungah Motor Khaltu Le Pension La Cangmi Hna Cu, SAC Thawng Pe/latu Ah An Hman Hna

 

Chin Ramkulh Chungah Motor Khaltu Le Pension La Cangmi Hna Cu, SAC Thawng Pe/latu Ah An Hman Hna!!

 

 

Prime minister minthutnak he Nayphidaw ah an kuatmi report peknak ca chung ah Chin ramkulh chungah motor khaltu hna le cozah rian in pension a la cangmi hna cu, SAC nih thawng pe/latu ah a hman hna tiah aa tial tiah theih a si.

 

Cu report peknak ca i, cahmai 65 nak ah pengkomh tualchung mipi hna chungin pension a la cangmi le motor khaltu hna cu, thawng petu ah a hman hna i, motor khaltu hna nih, lam um tu ning, lam ai pehtonh ning an chim mi kong ai tel tiah theih a si.

 

Cun khoi ka dah CDF nih sakhaan an chiah? CDF minung pa zeizat dah an si? CDF hi zeitindah an cawlcangh? timi le SAC nih security an lak ning vialte zong cu report peknak ca chung ah cun ai tial tiah theih a si.Credit: Mizzima

 

 

Sagaing ramthen, Monywa peng Nyaung Phyo Pin(ညောင်ဖြူပင်) palik sakhan cu PDF ṭangṭi phu hna nih nizaan October 2 zing sml 2:00 hrawng ah kan kah i SAC ralkap chungtel 10 an thi, 5 hliamhma an pu tiah Myinchan Pengkomh Battalion 3 in ṭuanvo ngeitu nih a chim.

 

Sagaing le Myinchan PDF hna i bawm in Nyaung Phyo Pin palik sakhan cu kan kah i ruah a sur tuk caah an sakhan cu kan la kho lo, tiah a chim chap.

 

“An sakhan cu tha tuk in an sakmi a si pinah kan kah hna lioah ruah a sur tuk i an sakhan cu kan la kho lo. Cu kahdohnak ah SAC ralkap chungtel 10 an thi, a hnu ah 2 an thi chap, tiin thawng kan theih” tiah Myinchan pengkomh Battalion 3 in tuanvo ngeitu nih cun a chim.

 

Nyaung Phyo Pin palik sakhan kahdohnak ah Myinchan pengkomh Battalion 3, Myalatt PDF Taungthar, Seven People Defense Force ၊ Scorpions people defense Force၊ Sagaing ramthen Battalion 1၊ MSPDF ၊ Natogyi Regional Defense Force hna i bawm in an kah hna, tiah theih a si.