Chin Ram Ah Zohchunh Awk Tlak Vanzang

Global Vanzang nih kan ram CDM caah tiin round khatnak ah UD $ 100,000 in a round 3rd nak tiang an khawlh thawh hnu ah atu hi a round 4th nak an i kawlh lio si. Cu pin ah US um Vanzang khua mi lawng nih AK 47 zûn 50 le vanlawng kahnak pakhat an thawh timi thawng nih thinlung a thawhter i lawmh a um hringhran.

A uan zong kan i uanthârpi bak hna. Thantlang peng, Vanzang khua hi inn tlawmte an si ko nain kan ram le miphun caah tiin țan an chuahnak cung ah Bawipa nih a let tampi in thluachuah ko hna seh. Crd: Sang Uk Ceu (Vangzang) J.Tial Awi FB ah lakchinmi a si. A dang relchap.Pharisee bantuk thinlung hi Khrih nih a huatmi asi. Jesuh Khirh nih mizaw, kebei, mitcaw, holh kholomi.

Hnachet, thinghmui hma, Khuachia nih tuahmi a damter hna le mithi a thawhter hna tikah Pharisee cu an ilawm kho lo. Scripture/Bible ningin asilo an ti. Kan Law, kan phung Sianginn kan cawnning he aa kalh an ti. Damnak le luatnak a hmutu hna cungah ilawmh khawh loin an zumhnak Bible/Scripture, Cathiang kongah an buai. Cubantukin atu kan chan zongah Thiang Thlarau a co lomi hna, pastors, Evans.

Bible Sianginn kaimi le zumtu tampi nih mi pakhat khat nih luatnak, damnak le ngaihthiamnak a co tikah kan lawmhpi kho hna lo. A chimtu pa/nu kongah kan buai. “Bible ning in asilo. Bible he aa kalh!” tiah Pathian nih a hmanmi hna cungah kan buaipi tawn.“Bible le Pathian” hi kanmah ta, kanmah ngeihmi, kanmah innchungkhar ca lawngah a ruatmi kan um tawn. Mi vialte Pathian le mi vialte Bible le mi vialte caah.

Thiang Thlarau asi hi kan philh tawn. Bawipa nih mi zeipaoh a hman khawh ko hna. Khakha nangmah nawl asilo. Bawipa nawlngeihnak asi. Lungtekep hmanh pei ka hman lai a ti cu! Zeiti ava si zongah, Kannih cu damnak, luatnak le ngaihthiamnak aco i hrinṭhannak acomi hna tu kha kan lawmhpi awk le thla kan cam piak ding asi. Thiang Thlarau co loin Bible hi Pharisee bantukin itlaih, iken, aupi, phuan, chim, rel khawh asi.

By. James Vanneilian