Chin National Army Brigade, Antro Andaru Le Peehwe Khin My Mual A Liam

Chin National Army Brigade, Antro Andaru Le Peehwe Khin My i an fapa ngakchia deuh nih mual akan liam tak. Chin National Army Brigade, Antro Andaru Le Peehwe Khin My i an fapa te cu nihin 14 , 10 ,21 nazi 4am ah khan a nunnak a liam. Tan ta mi a nu le pa a chungkhar le chung le khat hna Pathian tu nih hnem hram hna she. Crd – Chin Ram Thang fb.

Rel chap – Hakha lei ah an rak phorhmi ar 450 cu nihin zaanlei sml. 5:00 hrawng ah khan Hakha le Monywa karlak, Monywa leikap Nagamok Tlang  zawn ah minung 100 hrawng a simi mibu nih an chuh dih hna, tiah ar chuh a tongmi Hakha khuasa chungkhar hna sin in thawng kan theih. Nihin October 13 ah Monywa in ar a phor i Hakha ah a rak tlungmi motor cu.

Nagamok Tlang ah a rawk i, cuka hmun ah cun mibu nih an ar vialte hramhram in an chuh dih hna hi a si. Ar chuh a tongmi chungkhar pakhat nih, “Monyaw in kan rak i thawh i Nagamok Tlang ah kan motor cu a rawk. Motor mongtu kan chiah ta i, a neih biknak hmun ah motor hlan ding in kan kee in kan va kal. Motor kan hlan khawh i kan rak kir ah cun kan ar bawm le kan ar cu.

Minung 100 tluk nih an rak tthial dih cang,” tiah The Chin Journal ah a chim. Ar tlawmpal lawng i lak ding in le ar bawm tal chiah ta ding in an nawl len hna nain an duh lo pin ah an tlerh khawn hna. Kan nawl len hna. Ar thlampal hi cu i lak ko u law kan chiahtak ko uh kan ti hna zong ah an duh lo. Cun, ar hi i lak uh law arbawm tu hi kan chiahtak ko uh kan ti hna zong ah an duh hlei lo.

Ar he arbawm he an cawi dih i lamthlang lei ah an kalpi thluahmah ko. Na kan pek lo cun nan nun him lai lo zong a kan ti,” tiah a chim chap. Ar an lakpiakmi hna hi 450 tluk a si i, ar paruk lawng an chiahpiak ta hna. Ar a chuttu mibu lak ah hin nu pawl zong an i tel. Ar a chuttu hna minung 100 hrawng hi hriamnam le meithal zong an i ken lo i khuami sawhsawh zong an si kho, tiah an ruahdamh.

Crd – TCJ