Chin Le Kachin Hlasak Thiam Hna Nih Online Live Concert An Tuah Lai

American hrambunh Kachin Alliance(KA) le US um Chin Mi(USCC) hna i bawm in 2022 May 21-22 tiang Online Live Concert in fund kawlnak live concert tuah a si lai. Cu live concert cu mizapi hmuh khawh ding in live thlah lai a si lai. Cu program chung ah i tel cio ding in sawmnak zong an tuah.

Cu program hlan deuh ah cun phaisa kuat cia in hla hal(request) khawh a si. Concert ah an hmuh mi phaisa cu Myanmar ramchung ah rianrang in bawmh an herhnak khua pawl ah an va pek hna lai. Cu concert he pehtlai in hngalh na duh mi asilole hla sakter na duh mi pawl a um ahcun a hlankan in hal khawh a si lai, pehtlaih na duh ahcun a tanglei phone No. ah pehtlaih khawh an si.

Pehtlaihnak: Pu Van Moy Cell: 269 967 4972, Pu Shing Mang: Cell: 317 667 4552, Pastor Ling Kee: Cell: 404-789-9909. Rakhine Ramkulh Amm Peng SAC Ralkap Siizung In Ralkap Myint Thein A Chungkhar He CDM An Tuah : Rakhine ramkulh Amm peng no. 2 ihkhun 300 tlum SAC ralkap siizung battalion in duh-tat-kyat Myint Thein cu SAC ralbawi hna nih phungning lo an tuahsernak hna cu a cohlan khawh ti lo caah April 1 in Chinland Defence Force-Daai sin ah a chungkhar he CDM an tuah, tiah theih a si.

SAC ralkap kuttang um duh lo in CDM cawlcanghnak a tuahtu duh-tat-kyat Myint Thein le chungkhar cu lunglawm tein don an si i, a himnak hmunhma ah kalter an si cang. CDF-Daai nih cun SAC ralkap kuttang ah riantuan duh lo in CDM cawlcanghnak tuah in mipi lei kap ah ṭan a duh mi poh cu lunglawm tein cohlan an si ko, tiah phungning tein cathanh an chuah. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum