Chief Minister Dr. Myint Naing Cu KumKhat Thong An Chap Țhan I Kum 25 Chung Thong A Tla Lai

Sagaing Ramțhen Chief Minister Dr. Myint Naing Cu KumKhat Thong An Chap Țhan I Kum 25 Chung Thong A Tla LaiMonywa thong ah an hren mi Sagaing ramțhen Chief minister U Myint Naingcu phungrelnak 171(b) in July 27 ah bia an ceih tiah theih a si.Phungrelnak 171(f) in kumkhat thong tla ding in Monywa pengkomh biaceihzung nih bia an ceih hi a si tiah theih a si.

Sagaing ramthen chief minister cu February 28 ah ah eihmuarnak case 7 in case pakhat ah kum 3 in kum 21 chung thong tla ding in bia an ceih. Cu hlan ah phungrelnak 505(b) in kum 2 thong le June 1 ah phungrelnak 171(f) in kum 1 thong tla ding in bia an rak ceih. A tu bia an ceih thar mi kum khat thong he cun a dih lak ah kum 25 tong tla ding a si tiah theih a si.Atu case hi cu Shwebo pengkomh election commision secretary nih taza a cuai mi a si caah Shwebo ah an țhial i Shwebo thonginn biaceihzung nih biaceih ding a sinain,

security ruang ah Monywa thong biaceih zung nih a tawifiannak in an check i bia an ceih hi a si.Dr. Myint Naing cu kum 71 a si cang i 1990 election lio ah teinak a hmu tu MP pakhat a si. Cu kum September thla ah phungrelnak 122 in thong 25 an rak thlak bal cang.2012 caan karlak thimnak (election), 2015 le 2020 general election ah teinak a hmu tu a si i 2016 ah Sagaing ramțhen Chief Minister a tuan mi a si.

CDF- Kanpatlet le SAC Ralkap An I Kap, SAC Ralkap 4 An ThiSAC nih ramkhel thingtla Ko Jimmy, Ko Phyo Zeyar Thaw, Ko Aung Thura Zaw le Ko Hla Myo Aung phung ning lo in an thah mi hna caah teirul chamnak ah CDF-Kanpelet nih phuh an hlam i SAC ralkap 4 an thi tiah theih a si.

CDF-Kanpalet cu rallam hmun 3 in an sial i Kanpalet Aministration zung, Township Education Office le Basic Educattion High School ah umhmun a khuar mi kan kah hna i palek 2 le ralkap 2, an dih lak 4 an thi i ralkap pakhat hliam a tuar tiah CDF-Kanpalet nih nihin (July 27) ah thawng an thanh.

SAC nih a tu bantuk in hri thlai in thihdantatnak le lainawnnak an tuah peng rih ah cun CDF-Kanpalet nih NUG Ministry of Defense le CJDC hruainak in khuachung ah fak chin lengmang mi kahdohnak kan tuah lai tiah CDF-Kanpelet nih ralrin pek nak cathanh an chuah.Nihin kahdohnak cu chun Sml 12:25 in Sml 1:20 tluk tiang a rau i CDF-Kanpelet lei a thi le hliam tuar an um lo tiah theih a si.