CDM Tuah Police Bawi Cu Donak Ah Mual A Liam

Kalaymyo CDM tuah Police bawi cu donak ah mual a liam tiah thei a si. Kalaymyo ramchung in CDM tuah police bawi Hla Myo Htut cu CDM tuah lawng duh loin PDF ah a lut i dohnak ah a nunnak a liam ti theih a si. CDM a tuahnak hi a sau ngai cang. PDF cawlcanghnak ah a tel ve ton. Hla Myo Htut cu mifim le cathiam a si ruangah Kalaymyo University Students Union ah chairman arak ṭuan cang.

Min Aung Hlaing nih Myanmar ramchung nawlngeihnak a lak ruangah a kuttang ah rian a ṭuan duh ti lo i CDM a tuah. Cuticun PDF ah a lut i nawlngeihnak latu ralkap pawl a doh ton. Ralkap pawl nih khua an rak khanghnak Minkin khua pawng dohnak ah a tel i ram le miphun caah a nunnak a pek ti Myanmar Police CDM Channel ah an tarlang. Rel chap – Falam peng Zawlnu.

Thungthul, le Sumhrang khua nih zaan sianginn ngakchia pawl cacawnnak an ngei tiah theih a si.Zawlnu khua hi thlakhat leng an cawnfcang i an khua i CDM siangcachim pawl nih an cawnpiak hna. Thungthul khua cu an cawnnak zarhkhat hrawng a si cang i ramdang ummi Thungthul fanau hna nih chawva an thawh. Cun Sumhrang khua hi nizaan.

September 14 zaan in an thok i cozah sianginn hon hlan chung kan cawng lai tiah an ti. Sumhrang Baptist Church i  Pastor Sui Uk Thang nib “kan i timhtuahnak cu a rau ngai cang nan,biakinn sak tibantuk he kan thawk kho lo,kan Khrihfabu in kan tawlrel nan,a kai tu cu khuachung ngakchia zate an si,tang 2 in tang 10 tiang an si i an zaten.

Minung 50 hrawng an si,kan cawnmi cu English, Myanma, Myths, Lai ca, Reading times le ngakchia caah zukthai tibantuk a si “tiah a chim. An ca cawn caan hi ngakchia bik hi suimilam 1 hrawng,a lai i suimilam 1:30,upa bik hi suimilam 2 an cawng,cawnpiak tu hi khuachung in tang 10 lim le tang 10 kai cang 8 pumpek in an cawnpiak hna.

Crd – TCP