CDF- Zotung Nih Mizapi Sin Theihternak Le Ralrin Peknak Cathanh An Chuah mipi lei in nangmah ruangah phatkhat har nak aton ah cun,

A luancia August 6 ah Zotung hmumram, Nabung khuachung ah a lut mi SAC ralkap 80 cu nihin August 8 ah NaSbung khua in an chuak, tiah theih a si. SAC ralkap hna cu Nabung khua in an chuak cang nain Zotung peng Yaungnat Nabung( Ramsi( AnntaPanbale Tayarkung) khua hna in ralzam mi hna cu an kir rih lo, tiah theih a si.

 

SAC ralkap umkalnak kong he pehtlai in mi cheukhat nih tualchung hriamtlai phu min bunh in mizapi sin ah thawng dik lo thanhmi kan hmuh caah, an thanhmi thawng dik lo nih mipi humhimnak a hnorsuan ahcun CDF-Zotung nih fakpi in dantatnak kan tuah lai, tiah an thanh.

 

Curuangah Gangaw-Razua lampi hman rih lo ding in thawng thanhnak kan tuahmi cu zulh ding in le, Zotung hmunram chung i a cangmi kahdohnak le tualchung thawng dik hna cu CDF-Zotung nih thawng thanhnak kan tuah lai, tiah CDF-Zotung nih nihin August 8, ah cathanh an chuah.

 

Thawngpangdang,Kachin ramkulh, Hpakant ah nihin ’88 buainak kum 34 a tlin camtuak ni ah ralkap uknak duhlonak le KIA, PDF le NUG cohlannak langhter in mipi nih lam an zawh, mipi hna nih cun “KIA le PDF cu teinak hmu ko hna seh, NUG cozah cu kan cozah a si,Federal democracy uknak kan duh, ram hruaitu nan tlaihmi vialte kan thlahpiak cang hna uh” tiah an duhnak an langhter.

 

1988 lio ah University siangngakchia 2 Ko Phung Maw le Ko Naing Su cu ralkap nih an rak kahthah hna thawk in siangngakchia tampi nih duhlonak langhter in lam an rak zawh. August 8, 1988 ahkhan duhlonak langhterin lam a zawhtu mipi hna cu ralkap nih an kahthah hna i mipi nunnak tampi a rak liam. Cucu ‘8888‘ tiah Myanmar ram tuanbia ah tial mi a si, Nihin ’88 buainak kum 34 tlin camtuak ah ramchung ramleng in democracy uknak a duhtu vialte hna nih cu ni philhlonak ah, ralkap uk duhlonak langhter in lam an zawh, tiah theih a si.

Credit;The Chin Post