CDF Thantlang uar an um kho tuk Mah tluk kan ram a buai lio i tlangval thatha ram an chuah tak lio ah

Ka darling nak in ka meithal ka dawt deuh”CDF Thantlang Commando uar an kho tak tak mah bak ding hi asi kandalaing nih an kan khamh lai lo kan methal nih an kan khamh lai an ti bak ko.

 

an pasal ho taktak Bawipa nih kilveng hram ko hna seh mah le ram buai lio i tlangval tha ram dang an kal an zam tak cu m,ah tluk pasaltha kan hmuh mi hna hi cu asunglawi tuk mah hi ram adaw taktak mi cu an si.

 

 

 

Ayeyarwaddy ramthen, Pathein peng Shwe Thaung Yan(ရွှေသောင်ယံ) khua ah nizan September 8 ni ah Rohingya 31 cu SAC nih an tlaih hna, tiah tualchung mi hna siin theih a si.

 

 

 

Tlaih a tong Rohingya 31 hi nu 12 le pa 19 an si i, Shwe Thaung Yan palik sakhan ah biahalnak le checkhlatnak an tuah hna, tiah palik he aa naihniam mi hna nih a chim.

 

 

“Tilawng in a rami an si theo lai, a ruang cu Shwe Thaung Yan, Nwengiochaung(နွယ်ညှိချောင်း) khua kam ah a bu in an tlaih hna,” tiah tualchung mi pakhat nih a chim.

 

A luancia July 23 zan sml 12:00 hrawngah Shwe Thaung Yan khua a hnulei rili ah SAC ti ralkap tilawng pakhat nih Rohingya 48 cu, tilawng pakhat chung an um lioah an rak tlaih bal cang hna.

 

Ayeyarwaddy ramthen ah thla 6 chungah Rohingya 500 leng SAC nih an tlaih hna i, 100 leng cu thong kum 2 thlak ding in bia an khiahpiak hna, tiah theih a si.

Yangon ramthen, Teikkyi(တိုက်ကြီး) peng Uhkan khua ah umhmun khuarmi No. 2017 SAC van ralkap phu chungin an meithal a tlaumi an um caah tualchung mi 30 tluk an tlaih hna, tiah theih a si.

 

Kyuntawkone(ကျွန်းတောကုန်း) khuakomh electric zungah umhmun khuarmi SAC ralkap ralbawi(major) pakhat le sergeant pakhat an meithal an tlau ruangah an tlaih hna hi a si. Cuti an meithal zun 2 a tlau ruangah an umnak hmunin meng 4 a hlatnak Kalakone le Tinin(ကုလားကုန်းရွာနဲ့သင်းအင်း) khua karlak a ummi zu dawr ngeitu nuva telh in tualchung mi 30 tluk cu SAC ralkap nih an tlaih hna, tiah tualchung mi pakhat nih a chim.

 

“An meithal a tlau le cangka zu an din tawnnak zu dawr ngeitu nuva an tlaih colh hna i, an hrem hna. Cu hnuah tualchung mi 30 tluk cu an tlaih chap hna. Nihin tiang a hohmanh an thlah rih hna lo,” tiah Uhkan khuami pakhat nih a chim.

 

An meithal a tlaumi cu Pistol MA 5 zun 1 le MA 3 Rifle zun 1 a si i, an meithal a tlaunak hi ni 5 a si cang. Khuachung zong an kawl dih ko nain atu tiang an hmu rih lo, tiah theih a si.