CDF-Thantlang nih avoi 7nak ralkap training limnak tuah Bawipa thawngin,

CDF-Thantlang nih Battalion 2 hmunhma ah tuah mi avoi 7 nak basic military training cu September 30 ni ah khan tlamtling tein lim a si cang tiah an langhter.

 

Hakha Thar Lungphun Tlang Ah Mifir Nih Inn An Bauh I Phone 2 Le Tangka Kyats 70,000 Hrawng An Fir Chin ramkulh Hakha thar lungphun tlang ah khuasa mi Ngalang khuami inn pakhat cu nihin October 2 an i pumh karah mifir nih an inn an buahpiak hna tiah theih a si.

 

 

Inn ngeitu nih, “Nihin kan i pumh karah kan inn cu mifir nih an bauh i Oppo phone 1, iphone 1 le tangka kyats 70,000 hrawng an fir,” tiah The Chin Post ah a chim.

Atu bantuk ram a har lio caan theng ah kan inn an bauh i, thil an kan firpiakmi hi cu sifak santlai lo kan ca ah cun a har hringhrang ko. Asinain khattelei kam in kan zoh ṭhan tikah kan thilri an kan firpiak duhmi hmanh hi kan i lawm ko. A ngei lomi thil va pek/thenh can ah kan ruat i kan lung a nuam ko, tiah a chim chap.

Inn ngeitu hna cu a luancia kum 2015 lio in Hakha thar lungphun tlang ah umhmun a rak khuarmi an si i fanu 3 le fapa 3 he khuasa mi an si, a pasal nih 2018 May thla lioah a rak liam tak hna.

A luancia September 20 zaan zong ah Hakha dawrthar sang Matupi lam ah a ummi dawr khan pahnih cu mifir nih an rak bauh i, tangka kyats sing 18 hrawng an rak fir cang.