CDF-Phufonh Hna Le SAC Ralkap Kahdohnak Ah SAC Ralkap 44 An Thi

July thla ni 30, 2022 ah MonywaBataillon umhmun khuarmi, Tamu( in a rak kai mi SAC ralkap pawl cu Kalay in khampatkar mengtung 55 pawng ah, CDF-Tonzaang, PDF-Zaju le PDF -Kalay tangrual phu hna nih bomb an puahhnawh hna i kaphnih kar kahdohnak a chuak. Cu kahdohnak ah cun SAC ralkap 44 an thi i munung 30 hliam an tuar, tiah CDF – Tonzaang headquarters nih an thanh.

 

Thawngpangdang,Philipines President Hlun Fidel Ramos A Nunnak A Liam!: Philipines President hlun Fidel Ramos, kum 94 cu a nunnak a liam cang, tiah a chungkhar nih nizan July 31 ah an chim. Fidel Ramos cu Philipine ram chung ah rumra a ngei bik mi hruaitu pakhat a si i, rampi daihnak ding le thanchohnak lei ah thazaang a chuahtu hruaitu pakhat a si.

 

Cupinah Philipines ram hramhram a rak uktu(dictactorship) hlun Ferdinand Ma rak thlak lio zong ah biapi ngai in aa telmi a si.
US ralkap sianginn in a dihmi Ramos cu Korea ral le Vietnam ral a tong balmi a si. 1986 ahkhan Philipines ram ah Ramos le Democracy dirpitu hna nih duhnak an rak langhter i, Ferdinand Ma cu an rak thlak khawh.

 

โ€œPhilipines ram ralbawi ngan, President hlun Fidel Ramos a chungkhar kan ngaihchiatpi hna,โ€ tiah hramhram uktu Ferdinand Ma i a fapa zong nih ngaihchiatnak bia a rak chim. Philipines ram um, Euroup ram aiawhtu phu zong nih Ramos cu Democracy hrampi a si, tiah an langhter ve.

Ramos cu Philipines ram ralbawi ngan le ramkhel thiam sang a si i, Philipines ram a voi 12 nak President ah an thim i, 1992 in 1998 tiang President rian a rak tuan. Zei ruangah dah Ramos a thih ti cu hngalh a si lo nain, amah a kuttang pa nih a chimnak ahcun lung zawtnak a ngei i, atu le tu sii-inn ah kan kalpi lengmang, tiah a chim.
Credit;The Chin Post