CDF hi CNA Tangah One Command In Um Dih Cu Tha lo, Asi Kho Lo

CDF-Zophei um hna hlahsehlaw, Vawngtu Camp khi an chuahtak lai lo. Zeitintiah CDF-Zophei nih vawngtu ralkap an um kalnak lam vialte an phih dih hna, eidin an izalh kho ti lo caah anmah tein cunglei Helicopter in an zam khi asi. Cu caah CDF hi a um a herh ko. By-Pu Khua Uk Lian

CDF-Zophei nih hin kumkhat chungah kan hman cang mi hi US $700,000 hrawng asi cang. Mah 700000 ah hin 70% cu ralkap hriamnam le eidin ah kan hmang i, 30% hrawng hi fimcawnnak le a dangdang ah kan hman. CDF-Zophei nih kan pennak ramchung ah ukhruainak cu kanmah nih kan tlaih cang. Khuakip khuabawi thim an si. Cu nih cun khua an hruai, sianginn an kai hna. Hi hi kan ilawmhnak nganpi pakhat asi. CDF-Zophei president

CDF,CNA uniform aa hrukmi hna khi mawhchiat ding an si lo, ralkap an sinak kha an i phorhlawt si loin an i uanpi tu asi. Cun, minung pakhat hnih zuri mi an um ruangah CDF vialte mawhchiat le soisel ding asi lo. Zeicatiah mibu umnak ah mi pakhat hnih cu um phung asi ve ko.

CDF vialte hi CNA/F kuttang thithruainak One Command tangah um dih hi a tha dih lem lo. Zeicatiah practical aciah lo. Aruang cu Command pakhat tangah um dih u ti sisehlaw, CDF 90% hrawng cu an i ngol lai. CDF hi indirect in CNA adirkamh mi lawngte kan si. Atu hi CNA nih hitihin um uh,kal uh tiah thithruainak tangah a kal mi kan si ko. Cu caah CDF vialte hi CNA ah ikhumh dih hna seh timi hi practical in a si kho lo.

Hibantuk bia le hla hi hriamtlai thazaang dertertu an si. CNA tangah CDF hi um dih hna seh ti sisehlaw, meithal, uniform, ei din an pe kho hna lai lo. Cu vialte tuah ding in CNA hi an i ready lai lo dah. Tulio dohthlennak ah aa tel lomi hi ram athat tikah mi hmai kan khap te lai maw? Pu Zapeng Sakhong.

CDF an um hi CNA thazaang athawntertu an si. CDF vialte hi CNA ah um dih hna sehlaw an herhmi an pe kho dih hna lai lo. CDF um a thatnak cu, Chinram hmunkip kaa kip le fing le tlang kip ah an um hna i, Min Aung Hlaing ralhrang an duhnak hmun ah an kal kho lo, an duhmi lam an zul kho lo. Hi hi CDF thazaang ruangah asi. CDF cu CNA he hmunkhat te ah dohthlennak kongah nuva bantuk tein rian an tuanti ko caah thinphan ding asi lo, kan thawn chinnak tu asi.

CDF cu mipi kan si, CNA cu mipi kan ralkap an si. Cu caah CNA nih hin CDF hi CNA ah ra lut dih uh tiah an ti hna ka zum lo. CDF cu dohthlennak a tuahmi an si ko nain, a caan ahcun chungkhar rian an bawm kho hna, chungkhar caah an cawlcang kho. CNA ah um hna sehlaw khualei tlun i chungkhar rian bawmh timi kha a um kho ti lai lo.  Cungpi

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum