CCP Kalaymyo Ah Bawmhnak Lut Zau Sehlaw A Ṭha Tuk Lai

CCP, Kalaymyo Ah Bomnak Lut Hramsehla: Central Chin Pawlpi, Kalaymyo in June 1, 2021 ihsin theitawk in Covid mina hrangah hma kan la thok. Cuti ih hma kan lak mi ah ramsung le ramleng ihsin zangfahtu an tam vivo ih bomnak tla a ra lut rero. Asinan mina an tam/pung vivo ruangah kan daih aw thei hrih lo a si. Oxygen tawlreltu group, Mithi vuitu group.

Office staff group, Covid mina test group, Covid mina bomnak (siivai le ei-in) petu group ti in thih le nun kar ah kan vonlunteer pawl khal in nitin mipi an rian rero a si. Riahsiatza a si mi cu Lairawn ah Covid mina hi doctor thawn thatak ih tuamhlawm theitu kan nei lo. Curuangah Pu Dr. Than Bil Luai, Central Chin Pawlpi, Kalaymyo le Kalay CBO le pawkom dang pawl thawn cozah lam tuanvo neitu hnen ah.

Kan dil ih tu ahcun Covid mina besia (oxygen hmantul) pawl tuamhlawmnak ding Traditional Sizung cu ready in a um rero zo a si. Central Chin Pawlpi, Kalaymyo in Lairawn khawtin ih tulsam mipawl theitawk in kan bawm rero, bomnak kan ngah mi sungin a remcang theibik in kan tawlrel rero ih khawtin ah Covid mina an um thok rero tik ah Central Chin Pawlpi, Kalaymyo khal in khawtin ih tulsam mipawl bomnak pek sinsin a tul ding a si.

Central Chin Pawlpi, Kalaymyo ih bomnak pekmi pawl hi Covid mina besia tuamhlawmnak, khawtin ih mina pawl hrang ah zem ding a si ih Covid mina bom tulmi pawl ih siivai, le ei-in pawl ah hman a si ding ruangah CCP kutsung ih bomnak hi a tul mi taktak hnen ah a thleng rero zo. Tlawmngai in Lairawn hrang bomnak hawltu pawlkom cio khal in CCP, Kalaymyo hnen ah bomnak pawl pek cio hram dingin kan lo sawm duh a si.

Curuangah ramsung le ramleng ih a um mi kan mi le sa pawl in bomnak kan pek ding tik ah Central Chin Pawlpi, Kalaymyo President Pu Fung Lian Zam (Fb- Fungzam), General Secretary Salai Bawi Lian Khum (Fb-Bawi Lian Khum), Assistant Secretary Pu Ni Hlei Thang (Fb- Salai Nite) hnen ah biak theih ring ring a si. — with Fungzam and Salai Nite. Ref. CT