Breaking News,Motor pakhat cu khalh awk tha ti loin a rawk dih,” tiah a chim chap. SAC ralkap pawl cu

 

Mandalay ramthen, Matayar peng ah SAC ralkap motor cu, nizan August 17 zanlei sml 4:25 hrawng ah PDF nih bomb an puahhnawh hna, tiah theih a si. Motor 8 in a ra mi SAC ralkap 200 leng cu Matayar peng Nguangngoh le Kyaukselay khua kar ah bomb lung 5 in kan puahhnawh hna, tiah Natsu PDF in tuanvo ngeitu Bo Nat Su nih a chim.

 

“Motor 8 in an ra i, Nguangngoh le Kyaukselay khua lei an kal lio ah bomb lung 5 in kan puahhnawh hna. Motor pakhat cu khalh awk tha ti loin a rawk dih,” tiah a chim chap. SAC ralkap pawl cu Sagaing ah umhmun khuarmi Ta Ma Kha 33 an si lai, tiah an zumh.

 

 

Cu kahdohnak a dih in SAC ralkap pawl cu Kyaukselay khua ah an riak i, a thimi ruak cu an vui hna. Hliamtuarmi ralkap pawl zong an thlopbul hna, tiah theih a si,A luancia August 17 zing sml 8:05 ah hmunhma thianhhlimnak tuah ding in a kalmi SAC ralkap 30 leng cu, Matayar peng Taungkan le Muang-U khua karah Natsu PDF nih bomb lung 4 in an rak puahhnawh hna caah ralkap 4 an rak thi.

 

Thawngpangdang,Karenni ramkulh, Demoso peng, Konethar khua ah nizan August 17 zanlei ah SAC ralkap le Karenni Revolution Union(KRU) kahdohnak a chuak i, SAC ralkap 6 hrawng an thi, tiah KRU nih cathanh an chuah,Nizan August 4 zanlei aml 6:30 tiang sml 2 chung, hriamngan he hriamhme he kaphnih kar kahdohnak a chuak. KRU lei in ralkap 1 hliamhma a pu ko nain thinphan awk a um lo, tiah theih a si.

SAC ralkap nih inn pakhat an khangh caah a ciam dih. Hriamngan in an kan kah tuk caah hnu kan kir than, tiah KRU nih cathanh an chuah,Monywa-Chaung-U Lam Ah Pyusawhti Bomb Puahhnawh An Ton Caah 4 An Thi: Sagaing ramthen, Monywa- Chaung-U lampi ah SAC ralkap kuttang Pyusawhti cu, nizan August 17 zing sml 6:00 hrawng ah PDF nih bomb an puahhnawh hna caah ralkap 4 an thi i, 2 hliamhma an pu, tiah theih a si.

Pyusawhti pawl nih Chaung-U peng Tawpu khua in Monywa- Mandalay lampi ah khual a tlawngmi hna cu tangka an hal hna caah PDF nih bomb an puahhnawh hna, tiah theih a si, kahdohnak ah cun PDF-South Monywa, Monywa Ranger Group – Truth Army, Black Hunter People’s Task Force le Anyar Defence Force hna i bawm in an kah hna. Kanmah lei in a thimi le hliamtuarmi kan um lo, tiah PDF – South Monywa nih cathanh an chuah.

KNU Brigade 5 Hmunram Kahdohnak Ah SAC Ralkap Le BGF 43 An Thi: KNU Brigade 5 hmunram, Mutaw pengkomh August 1 in 15 tiang SAC ralkap, BGF le KNLA kar kahdohnak a chuak. August 1 in 15 tiang ah Kahdohnak voi 53 a chuak i, SAC ralkap le BGF 43 an thi, 17 hliamhma an pu. Kanmah lei in KNLA ralkap 1 a nunnak a liam ve, tiah KNU nih cathanh an chuah,SAC ralkap le BGF nih khuate lei hoih in hriamngan an kah pin ah lei riantuannak hmun zong ah timh ciammam tein hriamngan tam ngai an kah caah tualchung mi 2 hliamhma an pu, tiah an langhter.

Sagaing ramthen, Taze peng zong ah kahdohnak voi thum a chuak i, SAC ralkap a thimi le aa hliammi an tam, tiah theih a si. Kanpauk le Kutaung khua a khaangtu Tatma 99 kuttang Kha Ma Ya 113 ralkap hna cu, Taze PDF nih voi thum tiang an kah hna i, SAC ralkap pawl cu a thimi le aa hliammi an tam caah Kanpauk le Kutaung khua pahnih fonh ah inn 20 an khangh. Cycle zong tam ngai an khangh hna, tiah tualchung mi hna sinin theih a si.
Credit;The Chin Post