Breaking News Thailand Ram Thach Pengkomh Ah Myanmar Rammi 14 Tlaih An Tong.

Thailand ram Thach(တာခ့်) pengkomh ah ramri tan a rami Myanmar rammi 14 cu, niazan October 5 zinglei ah kan tlaih hna, tiah No.35 Thai ramri hngak ralkap nih cathanh an chuah.

 

 

 

Melamat hmunram in zinglei sml 1:00 ah thawng kan theih i, Myanmar rammi 14 cu ramlak an kal cuahmah lioah kan tlaih hna, tiah an langhter.

 

 

 

An tlaih hna lioah Thai agent nih a zamtak hna. Tlaih a tongmi hna lakah pa 10 le nu 4 an i tel, Karen ramkulh Ba An(ဘားအံ) khuami an si. Myawaddy khua pawng Thaungyin(သောင်ရင်း) tiva cu tilawng in an tan hnuah anmah don dingin motor a umnak lei ah ke in an kal lioah an tlaih hna hi a si, tiah theih a si.

 

Tlaih a tongmi hna cu Thailand ram khuapi Bangkok ah riantuan ding in aa thawhmi an si i, minung pakhat nih agent sinah Thai Batch 20,000 cio an pek, tiah theih a si.

 

SAC nih nawlngeihnak an lak ruangah ramchung ah riantuan awk a har pinah dollar man a kai tuk caah Myanmar rammi hna cu, kyats sing 15 in sing 40 hrawng dih in Malaysia le Thailand ah a kalmi an tam hi a si.