Breaking News Sac ralkap Mawțaw Bomb Puahnawh An Tong 3 An Thi pin ah.

NwaHtoegyi Ah SAC Ralkap An I Cit Mi Mawțaw Bomb Puahnawh An Tong 3 An ThiMandalay ț, NwaHtoegyi peng ah SAC ralkap nih an i citmi mawraw pakhat cu nizaan, July 20 zanlei Sml 6:00 ah NwaHtoegyi PDF nih bomb kan puah hna i 3 an thi tiah NwaHtoegyi PDF nih an thanh.SAC ralkap 8 nih an i citmi Bus pakhat cu NwaHtoegyi in Watlat khua lei a kal lio bomb 2 in an puahhnawh hna hi a si.
Mithmu tu tualchung mi hna nih SAC ralkap 3 an thi tiah an kan chimh tiah NwaHtoegyi PDF nih cun an langhter.

Dr. Zaw Myint Maung Cu Kum 3 Thong Tla Ding An Chap Caah Kum 29 Chung Thong A Tla LaiNLD cozah lio ah Mandalay ramțhen Chief Minister simi Dr. Zaw Myint Maung cu case phun 9 in tazacuai a si i phungrelnak 130(a) caah Ubo thong biaceih zung nih July 20 ah tong kum 3 tla ding in bia an ceih țhan tiah sihni(Lawyer) he aa naihniam mi hna nih an chim.CM Dr. Zaw Myint Maung cu hlan ah eihmuarnak, mizapi tțhatnak a hrawktu, pawngkam zohkhennak kong ah phung buarnak, election

kong ah vote firnak tbk. case pawl in thong 26 chung tla ding in bia ceih a si i nizaan(July 20) ah bia an ceih mi he cun kum 29 chung thong tla ding a si.Nizaan i bia an ceih mi case hi a sang bik mi case a si i a sanghlei biaceih zung ah a kai lai maw? timi tu cu theih a si rih lo tiah sihni pakhat nih a chim.Dr. Zaw Myint Maung cu a tutiang a ngandam ko tiah theih a si.Myanmar ram ah uknak lak hnu in July thla tiang NLD hruaitu le rampi ruahnak a petu Daw Aung San Su Kyi le President U Win Myint tel in party chungtel minung 960 leng SAC ralkap nih an tlaih cang hna tiah nu hrin covo buar mi record tual tu phu nih RFA an chim.

 

Mandalay ramțhen, MyinChan pengah SAC ralkap le PyoSawHtee an i kap i palik pakhat a thi, PyoSawHtee hraitu tel in 15 an tlaih hna tiah MyinChan mipi Cawlcangtu Committee nih cathanh an chuah.Nizan July 20 zanlei ah MyinChan peng chaklei kam ah ralveng a chawk mi SAC ralkap le PyoSawHtee hna cu an i kap i palik pakhat a thi i palik pakhat hliam a tuar tiah an langhter.Sone khua cu PyoSawHtee thazaang a țhawnnak hmun a si i a luancia thlakhat fai hrawngah KuihGyi khua sianginn ah PyoSawHtee training an on, Sone khua San Maung ti mi nih PyoSawHtee hruaitu ah tuanvo a lak i a mah cu meithal 15 an chiah piak tiah an langhter.

June 16 zan zong ah Myaing peng mizapi vengtu ralkap Myaing Revolution Army (MRA )ralkap hna nih an Uniform he Myinchan peng, KuihGyi khua um PyoSawHtee hruaitu Aung Myint kahthah ding an rat hnawh lio ah SAC ralkap ah an ruah hna i Pyusawhtee 6 nih an rak don hna i MRA nihcun an rak kah thah hna.
Credit;The Chin Post