Breaking News SAC ralkap lei in 5 an thi i 4 hliam an tuar

TaungNgupengkulh, nitlaklei khuate hna ah rallam sialmi SAC ralkap hna cu TaungNgu PDF Battalion 3501 Tat- Khuai 1 nih nizan July 24 zanlei ah kan kah hna tiah an thanh.July 24 zanlei Sml 4:40 hrawngah mawtaw lampi MyaPinKo khua le Tayat Konekhua karlak ah rallam a sial mi SAC ralkap thazaang 40 hrawng cu security an hngah lio ah hriamngan he hriamhme he kan kah hna tiah an langhter.

Hliamtuar umlo tein hnu kan tolh kho. SAC ralkap lei in 5 an thi i 4 hliam an tuar tiah an langhter.TaungNgu pengkomh mizapi vengtu ralkap hna nih mizapi lei tang lo in SAC ralkap tha a pe mi zeibantuk phu a si mi paoh cu kan doh hna lai i kan fimhlawm hna lai tiah theihter nak an tuah.

SAC Ralkap Methal A Lak Piak I A Zaam Mi Hakha Mino Pakhat I A Nu Le A Pa Inn An Phihkhar Piak HnaHakha ah ralveng mi SAC ralkap hna cu zu a dangh hna i an meithal lak piaktu Hakha Dawrthar sanh um cu Mino pakhat i an inn cu SAC ralkap nih July 23 ah an phihkhar/ hrenh piak hna tiah theih a si.

 

” Cu an phihkhar piakmi inn cu inn ngeitu n um lonak sau cang. SAC ralkap nih nawlngeihnak an lak hnu mizapi vengtu ralkap hriamtlai an dirh kaa te ah mino te a si mi nih SAC ralkap hna cu zu a dangh hna i meithal pakhat a zaampi. Cu thok in an chungkhar ning in SAC ralkap nih an kawl hna ” tiah a chim.Cu Mino pakhat le a chungkhar hna cu 2021 thok in khan a himnak hmun ah an zaam cang tiah theih a si.

 

Mizoram Hnahthial Ah A Voikhatnak Bik Ralzaam Hmunkhat Pumh Ținak An NgeiMizoram, Hnahthial khuapi ah Chinram in a rak zaammi, Ralzaam hna hmunkhat teah a voikhatnak bik Pathian thangthat ținak cu Pu Than Cung a inn ah Chiapa(July)24 chun hnu ah an ngei kho, tiah kan theih. ”Tutan hi a voikhatnak bik a si i thlakhat ah voihnih peng hi hmunkhat teah pumh ținak ngeih khawh

 

kan i zuam lai, Hnahthial ahhin ralzaam camp 3 a um i, innchung khar 73 kan um, Hakha le Thantlang (Lai) hi cu dawng 30 fai kan si Matupi lei hi an tam, Ralzaam dihlak 350 fai kan si, a tam deuh cu mahte in inn hlan in an um deuh hna,” tiah Hnahthial Ralzaam zohkhenhnak bu i lutlai si mi Pu Za Lian Hmung nih The Chin Post ah a chim. Tutan, Hnahthial ralzaam a voikhatnak bik pumh ținak ah cun Pu Thawng Mang nih thawngțha a chimh hna, tiah kan theih.