Breaking News SAC ralkap hna nih bomb an i pal i SAC ralkap 5 leng an thi’

 

Sagaing ramțhen, Kani khuapi in meng 2 hrawng a hlatnak PanSai khua kam ah SAC ralkap le mizapi vengtu ralkap hna cu July 22 chunhnu Sml 2:00 hrawngah an i kap.Cu kahdohnak ah SAC ralkap hna nih bomb an i pal i SAC ralkap 5 leng an thi. Mizapi vengtu ralkap lei in ralkap pakhat hliam a tuar .

” Kani khuapi um SAC ralkap Thazaang 70 hrawng cu PanSai khua in NgaPhiat khua lei an kal lio ah bomb lung 2 nih a puahhnawh hna i SAC ralkap 5 an thi. Tlawmpal an kal ah lung khat nih a puahhnawh țhan hna. Bomb lung 3 nih a puahhnawh hna hnu in hriamngan le, Seh meithal (Machine gun)nhna cu an kah thluahmah caah hriamngan kuan nih mizapi ralkap pakhat a hliamh. SAC ralkap a thimi hna an ruak cu Kani khuapi ah an phurt hna” tiah Kani peng Na -Yar -Kah an Pungki nih a chim.

Cu kahdohnak ah cun KyaukLungGyi mizapi vengtu ralkap nih hruai in MPDF Battalion 1, Nakaa NgiNuang DBTF, Amih May dothlengtu phu, Alpha Special Force le Kani- Yinmarpin ralkap phu hna an i bawm.SAC ralkap nih nihin July 23 zinglei Sml 9:30 hrawngah NgaPhiat khua an duah tiah khuami hna sin in theih a si.

 

Tuzing nazi 7:00am hrawng ah Kalay myo rawldawr hmaiah Operation MoMo group cun uico mawtaw pakhat cu Bomb in an puah ih uico 5 an thi midang tampi hliam an tuar asi.Ning hngal ngalh ngai in dawr ah an i chawk an thu dir an mawtaw cu bom in puah hnawh asi ccah ralkap pawl c pa 5 an thi,

Yinmarpin Peng Ah Ralzaam Umnak Riahbuk Cu SAC Ralkap Nih An Khangh!Sagaing ramthen Yinmarpin peng Bant Bwaykhua i ralzaam umnak riahbuk (thlam) pawl cu SAC ralkap nih July 20 le 21 ah an khanghpiak hna i buk 25 a kaang, tiah tualchung mi nih an chim. Bant Bway ahhin ralzaam riahbuk 50 leng a um i cu chung ah buk 25 cu khangh an si, tiah Bant Bway khuami pakhat nih a chim

.
Khuachung um ahcun i thuhnawh peng a si i cucaah ramlak ah kan i thial. Duhsah tein ramlak ah inn tete a hun tam chin lengmang. Cucu SAC ralkap nih an duh lo i rallam an sial pah ah an khangh. Atu ah cun khoika hmun um zong ah zaam peng a hau cang. Nihin zong SAC ralkap hna cu rallam an sial than i tualchung mi vialte kan zaam dih, tiah tualchung mi nih an chim,

 

Pakokku Peng Innpyin Khua Palik Checkgate Cu PDF Nih Drone In An KahMagwe ramthen, Pakokku peng Innpyinkhua ah umhmun a khuar i, mizapi phaisa a hal tawntu SAC ralkap checkgate pakhat cu tualchung PDF nih nihin July 22 chun Sml 1 hrawng ahkhan drone in an kah hna i, ralkap hliam tuar mi zong an um tiah Young Force-UG sin in theih a si.

Cu kahdohnak cu Urban Underground Revolution Force-yso (UURF),Thakin Mya ralkap phu le Ranger(PKU) Young Force (Pakokku PDF) hna i bawm in an tuah mi a si. SAC ralakp cu mawtaw 2 in an chuak i ruahdamh in meithal an thlah nain PDF phufonh lei hliam tuar an um lo, SAC ralkap lei a thi le hliam kong ah thawngpang fiang in theih khawh a si rih lo.

Credit;The Chin Post