Breaking News Sac ralkap bawi nih mipi in khangh piak dingin order achuah Helopcoter

Sagaing ramțhen, YeeOo peng ah SAC ralkap nih July 8 in July 14 tiang ni 6 chungah tualchung mi 10 cu mei in an khangh hna thah pin ah inn 125 an duah tiah tualchung mi hna le mizapi vengtu ralkap phu hna sin in theih a si.July 8 in July 14 ting YeeOo peng chung khuate hna ah SAC ralkap cu an lut i MiMaungKonekhua in khuami pakhat, LingDaw khuami pahnih, KaanPauk khuami pathum, SiiTharMay khuami pahnih, KoPhyo khuami pahnih tiin an dihlak 10 an thah hna. SiiThar khua inn 23, KoPhyo khua inn 31, MiMaungKone khua inn 72 zong an duah tiah theih a si.

 

July 8 ah Sagaing ramțhen, YeeOo peng, Siithar khua cu SAC ralkap nih helicopter 4 in an kah i khuami hna khua chung ah an kharkhumh hna theih a si.July 8 zinglei Sml 10 :00 hrawngah Sagaing ramțhen, YeeOo peng, Siithar khua cu SAC ralkap nih helicopter 4 in an kah i ralkap an țhumh hna. Chun Sml 12:00 hrawng tiang an kulh i an kah cah khuami hna cu zaam kho lo in an kharkhumh hna,

 

phone line vialte an phih dih hnu ah SAC ralkap hi an rak lut, SiiTharMay khua ah PDF sakhan a um tiah thawngpang theih in an lut i khuami an thahnawn hna pin ah inn an duah.” SiiTharMay ah PDF sakhan i hruaitu HluatDaw palai a um tiah SAC ralkap cu an rak lut. Khuami hna cu an tlaih hna i an thah hna ” tiah khuami pakhat nih a chim.

 

India Ram President 15 Nak Ding Ah Tribal Miphun Nu Droupati Murmu Thim A SiIndia ram nih cun President thar an ngei i, BJP candidate in Droupati Murmu cu President ding ah thim a si. India ram phung ning bantuk in Droupati Murmu nih cun a ra lai mi kum 5 chung ah India ram President rian a tlaih lai.

Droupati Murmu hi India ram tuanbia ah nu president pahnihnak a si i, miphun hme(tribal) chung in president hmasa bik a si. Kum 64 mi Murmu hi Odisha ramkulh mi a si i, president thim a si hlan ahhin Jharkhand ramkulh ah Governor rian a Tuan.
A ra lai mi July 25 ah India ram president 15 nak si ding in biakamnak a ngei lai i, President ah laak a si lai. Droupati Murmu nih cun President Ram Nath Kovind a chan lai.
Credit;The Chin Post