Breaking News pdf nih sacralkap pahra leng an thah hna

Sagaing ramțhen, Kalaymyo, Myittha tiva nichuah lei khuate hna ah SAC ralkap rallam an sial caah mizapi vengtu ralkap nih an kah hna i SAC ralkap 10 leng an thi tiah Kalay peng, mizapi vengtu ralkap Battalion 6 nih cathanh an chuah.SAC ralkap hna cu InnKyaw, OoYin, Kin Mon Chung khua hna ah rallam i țhen in an luh caah kahdohnak a chuah hi a si tiah Battalion 6 nih annlanghter.
Cu kahdohnak ah SAC ralkap 10 leng an thi i hriamngan kah piak ding nawl an hal caah NawNgiangPin khua in SAC ralkap le

PyoSawHti hna nih kah an bawmh hna tiah theih a si.Kahdohnak cu zanlei Sml 6:00 in an ngol. SAC ralkap hna nih a thimi hna an ruak cu lak lo in an pumh i mei an duah tiah an langhter. Cu kahdohnak ah cun PDF lei in a thimi an um lo.” Nizan zinglei in SAC ralkap le kanmah mizapi vengtu ralkap hna karlak ah kahdohnak a fak. Kahdohnak ah SAC ralkap a thi mi an tam, khuachung ah mizapi ngeihmi mansung thilri hna an fir i inn hna cu mei an duah tiah theih a si ” tiah RKDF nih an thanh.

 

Nizan July 21 zinglei Sml 10:30 ah Kalay peng KyaukKaa khua, NaanThai YeeNan Hmaw lei ah a ra mi thazaang 100 hrawng le Kalay- PDF Battalion 6 hna kahdohnak a fak i SAC ralkap Ralbawi pakhat tel in 3 an thi . SAC ralkap hna nih bomb an i lamh caah tampi an thi i hliam a tuar mi zong an tam tiah an thanh.

 

Nizan July 21 zinglei Sml 10:30 ah Kalay peng KyaukKaa khua, NaanThai YeeNan Hmaw lei ah a ra mi thazaang 100 hrawng le Kalay- PDF Battalion 6 hna kahdohnak a fak i SAC ralkap Ralbawi pakhat tel in 3 an thi . SAC ralkap hna nih bomb an i lamh caah tampi an thi i hliam a tuar mi zong an tam tiah an thanh.

Sagaing ramțhen, YeeOo peng ah SAC ralkap nih July 8 in July 14 tiang ni 6 chungah tualchung mi 10 cu mei in an khangh hna thah pin ah inn 125 an duah tiah tualchung mi hna le mizapi vengtu ralkap phu hna sin in theih a si.July 8 in July 14 ting YeeOo peng chung khuate hna ah SAC ralkap cu an lut i MiMaungKone khua in khuami pakhat, LingDaw khuami pahnih, KaanPauk khuami pathum, SiiTharMay khuami pahnih, KoPhyo khuami pahnih tiin an dihlak 10 an thah hna. SiiThar khua inn 23, KoPhyo khua inn 31, MiMaungKone khua inn 72 zong an duah tiah theih a si.

July 8 ah Sagaing ramțhen, YeeOo peng, Siithar khua cu SAC ralkap nih helicopter 4 in an kah i khuami hna khua chung ah an kharkhumh hna theih a si.July 8 zinglei Sml 10 :00 hrawngah Sagaing ramțhen, YeeOo peng, Siithar khua cu SAC ralkap nih helicopter 4 in an kah i ralkap an țhumh hna. Chun Sml 12:00 hrawng tiang an kulh i an kah cah khuami hna cu zaam kho lo in an

 

kharkhumh hna, phone line vialte an phih dih hnu ah SAC ralkap hi an rak lut, SiiTharMay khua ah PDF sakhan a um tiah thawngpang theih in an lut i khuami an thahnawn hna pin ah inn an duah.” SiiTharMay ah PDF sakhan i hruaitu HluatDaw palai a um tiah SAC ralkap cu an rak lut. Khuami hna cu an tlaih hna i an thah hna ” tiah khuami pakhat nih a chim.