Breaking News Pallik Sakhan Ah Eidin A Chantu SAC Ralkap Mawtaw 2 Kahdoh An Tong 3 An Thi Karenni ramkulh,Demohso peng,

Breaking News Pallik Sakhan Ah Eidin A Chantu SAC Ralkap Mawtaw 2 Kahdoh An Tong 3 An Thi Karenni ramkulh, Demohso peng, Myomah veng palik sakhan ah Hiject mawtaw 2 in eidin a chantu SAC ralkap hna cu mizapi vengtu ralkap – Demohso ( DMO- LPDF ) rallam 3 in C ၊ D၊ E Battalion le Alay Pine ramthen 1102 hna i bawm in July 11 ah lamtan in an kahdoh hna.

 

Cu kahdohnak cu zinglei suimilam 10:00 in an thok i minute 30 hrawng a rau. SAC ralkap 3 an thi tiah thualchung thawngdik latu hna sin in kan theih tiah an thanh, Kahdohnak cu a fahtuk caah Myomah sakhan chung um SAC ralkap hna nih hriamngan, hriamhme in kah an bawmh leng ah helicopter pakhat zong in security a tuh piak hna. Cu kahdohnak ah mizapi vengtu ralkap phufonh lei in a hliammi um lo tein hnu kan tolh kho tiah Demohso PDF nih an thanh.

 

Relchap,Breaking News Chin ramkulh, Falam peng Falam le Hakha kar a nithumnak kahdohnak ah SAC ralkap 35 an thi, tiah CNF/CNA chimphuannak nawlngeitu Salai Htet Ni nih a chim. SAC ralkap pawl cu zan an riahnak khua in an i thawh than i, kan kah hna. Hmailei an lanh khawh lo caah hnu an kir than. An kir lioah khua chungah kan i kap than. Karceh in kan kah hna caah SAC ralkap 35 an thi. Drone zong in bomb kan thlak hna,” tiah a chimchap.

 

Nizan July 11 ah Ramthlo khua ah a riakmi SAC ralkap pawl cu zing sml 9:00 hrawng ah CNA,CNDF le CDF nih an kah hna caah hmai an lan kho lo i, hnu an kir than. A hnu he hmai he karceh in an kah hna, tiah theih a si.Cu kahdohnak ah SAC ralkap 35 an thi i, hliamhma pumi zong an tam. CDF Matupi in ralkap zong ram le miphun ca ah a nunak pek ve Chin miphun hriamtlai lei in ralkap 7 hrawng hliamhma an pu i, 3 cu an hliamhma fak ngai, tiah theih a si.

 

Cu pinah SAC ralkap pawl nih khuami Caw pakhat cu a phei a hleh i an lak. A dang cu an hlonh ta.
SAC ralkap pawl nih taal khua inn 29, Thlanrawn khua Khrihfa biakinn, Tlangzar khua inn 6 hna cu an hrawh i an khangh.
CNA, CNDF le CDF nih SAC ralkap motor 4 an chuh hna i hman awk ngaingai cun a tha ti lo, tiah theih a si.
Falam in Hakha kar kahdohnak ah SAC ralkap 60 leng an thi cang.
Credit;The Chin Post