Breaking News Falam Pengkulh Uktu Bawi Pakhat India Ramri Hmunkhat Ah A Tlau!

 

Breaking News Falam Pengkulh Uktu Bawi Pakhat India Ramri Hmunkhat Ah A Tlau!: Chin ramkulh, Falam peng uktu bawi, District Commisioner changtu (duh-u-si-hmu) Pau Deih Tung cu hmundang i thial ding in a chungkhar he Falam khua an chuahtak hnu in India-Myanmar ramri hmunkhat ah July 12 in an tlau, tiah theih a si.

 

July 11 ahkhan Pau Deih Tung le a nupi le a fa cu motor pakhat in Falam in Rih Khuadar lei ah an kal hnu in July 12 khan cun pehtlaih khawh an si ti lo, tiah theih a si,Falam khuami pakhat nih, “Falam pengkulh uktu hi Falam khua a um lio ah zei bantuk buainak hmanh a um bal lo nain, ziknawh cu a ei,” tiah a chim.

 

Pau Deih Tung cu Shan ramkulh Kyaing Tung( ah i thial ding in an chungkhar ning in motor in an chuak, tiah theih a si. Pau Deih Tung cu SAC ralkap nih uknak an laak hnu 2021 kum chung ah Falam ah a rak i thial, tiah theih a si.Mandalay Hmun 2 Ah Bomb A Puah I SAC Ralkap 6 Hliam An Tuar: Mandalay ramthen ah nizaan(July 14) zaan ahkhan biaceih zung pakhat le No. 11 palek sakhan cu MDY-UG phufonh nih bomb an puahhnawh i SAC ralkap 6 hliam an tuar i, ralkap 2 cu an hliam in an thi lai, tiah Kings Cobra Guerilla Force (KCGF) in Bo Muai Pua) nih a chim.

 

Chian Mya Tharsi peng No. 65 lam 102×103 kar India Embassy zung kam No. 11 palek sakhan pakhat cu zaan Sml 7 hnu ah bomb puahhnawh a si. Cun, Aung Mya Tharzan ( peng 13 lam 86×82 lam peng biaceih zung cu kutcheh bomb in doh a si, tiah Bo Muai Puai nih cun a chim. SAC ralkap pawl cu K.C.G.F-MRRF-MSMF (MDY-UG tah-pawng-suh)) phu 3 i bawm in an doh hna, tiah theih a si. Mizapi cu SAC ralkap he aa pehtlaihnak hmunhma ah umkal lo ding in forhfialnak an ngei