Breakinfg News HakhaLay khua, Siithar khua, HtohKyant le Tharyar Kone khua karlak hna ah kahdohnak voi 3 a chuak i SAC ralkap 42 an thi

Breaking News Sagaing ramțhen, Kalaymyo chaklei khuate hna ah July 11 thok in SAC ralkap le PDF țangți kahdohnak a chuak i July 13 chun ah kan ngol tiah Kalay peng mizapi vengtu ralkap phu in tuanvo ngeitu pakhat sin in theih a si,Cu kahdohnak cu pah- kah- phah Kalay, PDF Kalay, CNDF, CDF KKG, RKDF, UGF Kalay hna an i bawm.

HakhaLay khua, Siithar khua, HtohKyant le Tharyar Kone khua karlak hna ah kahdohnak voi 3 a chuak i SAC ralkap 42 an thi , mizapi vengtu ralkap lei 2 an nunnak a liam i 5 hliam an tuar tiah theih a si,” SAC ralkap lei nih hrianngan tampi an hman pin ah minung thazaang, hriamnam thazaang kan i dang tuk , cun bawmtu ding ah mawtaw 5 in an ra tiah thawng kan theih caah kahdohnak cu ngol in hnu kan tolh than” tiah Kalay peng – Pah- Kah- Phah phu i tuanvo ngeitu pakhat nih a chim,Cu kahdohnak ah SAC ralkap nih ThayarKone khua lei an kah i khuami Nu pakhat a ke ah kuan nih hliamh tiah theih a si.

Thawngpangdang,Tanintharyi ramțhen, Dawei, Tayat Chaung le Palaw peng hna ah kahdohnak a fak i nizan Dawei peng kahdohnak hmun pakhat ah SAC ralkap 10 leng cu mizapi ralkap phu hna nih an tlaih hna tiah tualchung mi hna sin in theih a si.Dawei – HtiKhi lam lei ah July 4 in rallam a sialmi SAC ralkap hna cu PDF , KNDO nih an kah hna i chunhlan ah kahdohnak voi 4 a chuak. Nizan ah Thailand – Myanmar ramri hmun pakhat ah kahdohnak a fak i KNDO le PDF nih SAC ralkap 10 leng a nung in an tlaih hna tiah theih a si.

Palaw le Tayat Chaung peng hna zong ah kahdohnak a fak i kaphnih in a nunnak liam mi an um . July 13 zinglei Sml 5 : 30 hrawngah Palaw peng, PawatKone kahdohnak ah KNDO ralbawi pakhat le PDF hruaitu pakhat an nunnak a liam ve. PawatKone khua um SAC ralkap sakhan kah an si lio ah SAC ralkap hna nih thawng an rak theih cia i hriamnam thazaang a dan tuk caah le an kan kah hmasa caah an nunnak a liam hi a si. SAC ralkap lei in a thi mi le a hliammi an um le um lo theih asi rih lo.Tayat Chaung peng ah kahdohnak a fak i July 12 ah SAC ralkap mawtaw cu tualchung PDF nih bomb an puahhnawh i SAC ralkap 7 an thi tiah NUG nih an thanh.C
Credit; The Chin Post