Biaknak Cu A Ṭanh Bak Nain A Nunzia Cu A Chia Tak Tak Ve

Biaknak cu a ttanh bak nain a nunzia cu chia taktak ve! Turkey ram ah university kai lliomi nungak Ms. Saglam cu bus cung a tthut lio ah, Muslim tlangval pakhat nih “Muslim thlacam caan (ramadan) lio ah zeitindah bawngbi tawi hi naa hruk ngam, na ningzak lo maw?” tiah cei cikcek in a velh. Biaknak kong i a ralthat ning, zeihmanh a ttih lo ning le kiangkap minung nih.

An thlacam caan upatpiak a duhning zoh le ruah ahcun, hi pa hi zeitluk in dah a pumpak nunzia aa dawh hnga ti awk in a um. Sihmanhsehlaw palik nih an tlaih i a kong an hun hlathlai tik ah, cu pa cu rit-haisi a tawngmi, rihaisi ruang ah palik tlaih aa huah tawnmi pa a rak si ai.. Biaknak a ttanhning le amah pumpak nunzia cu aa va keih-kawh lo hringhren dah, tiah hi ca ka rel pah hin ka phun zai len.

Sihmanhsehlaw kan mah Lai mi zumtu dirhmun ka ruah tthan tik ah, hi pa hi kanmah nunzia hmathlak tu si dawh in a um! Khrihfabu san nan tlai deuh lo’ tiah buu dang nih soisel ahcun velh kan ngamh. ‘Kan nih buu, nan nih buu’ ti ruang ah unau le innpa he i dawt lo zong kan ttih lo! Sihmanhsehlaw kan puan tang nun, kan pumpak zumtu ah kan dai a thlang tuk hna! Mi nih.

Khrihfa na si lo’ ti cu kan duh lo nain ‘kan pumpak nun ah Khrih muisam kalpi le langhter’ cu kan duh lo.Bible nih, “Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh” (Rom 12:2). Pumpak chunglei nun thlen lawnglawng hi Pathian lawmhtertu a si!By Hrambik Lian (repost)Pastor Hram Bik Lian

Chin Ram Khualipi Hakha Ah Thil Mak A Cang Hih! Tutan kan theih mi thawngpaang cu,lung a nuam lo ngaingai ko.Hi ruangah mi dangdang 2/3 ka hal nolh hna i an chim mi an ikhat cio caah a tubantuk in ka van post ngamnak hi a si. Kan ram le miphun nih zalonnak kan hmuh khawhnak ding caah tiin chungkhar nu le pa le u l;e nau le hawi le kawm tiangin an kal taak hna i.

Miphun le ram caah kan thih le thih siseh tiin an pum an i pe hna…An pum an i peek hna bantuk in tampi hna cu miphun caah an nunnak a liam cang i,tampi cu kut lo le ke lo in an um i,a cheukhat cu mit hmu lo le hna thei lo in an um cang hna. Kan ram le miphun a that khawhnak dingah tiin,Ram chung ram leng a um mi hna nih an thazaang can ah tiin tangka chawva in heh tiah an thawh hna.Hilio ah,

Hakha khuapi chungah Siangin a kai mi minung,Min ai pe mi hna hi nai zarh tiang ah khan minung 400 tluk an si tiah kan theih mi kha nihin ahcun,a tlawmbik in minung thongkhat(1000) tang ttumlo cu an si lai tiah mit bakin a hmu tu hna nih an chim mi a si. Note:Chin ram chungah a um mi khuapi hna, Hakha, Thantlang, Falam, Tidim, Tawnzang.

Matupi, Mindat,Kanpalet,Paletwa le Kalay peng a um mi,Chin miphun hna,kan unau hna nih an nun an peek mi le an pum hmanh tlamtling ti lo in,Ram le miphun an dawt caah an um ko mi hi,na chungkhat le na tufa le hna chikkhat khua cuanhnak men in an zawn kan ruat hna tiah,Miphun cu na zuar ko lai maw?Ruat tuah na lung a ttha ko hnga maw?