Bago Ramthen Paungdae Peng Kahdohnak Ah SAC Ralkap 4 An Thi: V

Bago Ramthen Paungdae Peng Kahdohnak Ah SAC Ralkap 4 An Thi: Bago ramthen, Paungdaepeng Thitpoke khua kahdohnak ah SAC ralkap ralbawi pakhat telh in ralkap 4 an thi i, meithal 2 le kuan zeimawzat kan lak khawh, tiah Paungdae PDF in chimphuannak nawlngeitu nih a chim.July 28, chunhnu suimilam 1:30 ahkhan Paungdae peng Thitpokekhua i tower hngaktu SAC ralkap hna cu Paungdae peng tualchung hriamtlai phu hna nih an kah hna. Cu kahdohnak ah cun ralbawi 1 le ralkap 3 hna cu an thi. Tualchung hriamtlai phu lei nih MA 3 pakhat, pistol 1, phone 4 le ID card pakhat an lak khawh, tiah theih a si.

Tuluk Thonginn Nawlngeitu Nih Myanmar Rammi Minung 90 Myanmar Ah An Kuat Hna!: Tuluk(China) ram thonginn hmun dang cio ah an hren mi Tuluk ram um Myanmar rammi minung 90 cu Tuluk cozah nih July 27 ahkhan Myanmar ram ah a kuat hna, tiah theih a si.
Tuluk thonginn i an hren mi hna cu Kachin ramkulh Waingmawpeng, Kaanpaihthikhuapi ah a ummi, Myanmar le China pehtlaihnak tunnel in an kuat hna, tiah theih a si.“Kaanpaihthiah ummi ramhnih pehtlaihnak tunnel in an kan kuat. Tuluk siizung ah ni 40 le thonginn ah 20 kan um. Thong chung ah a taang mi cheukhat an um rih, thla dih ahcun an thlah khawh men hna,” tiah thonginn in a chuakmi pakhat nih a chim.

Myanmar rammi minung 90 hna cu Myitgyina an phan cang. Quarantine in ni 5 chung an um hnu ah anmah le umnak khua cio ah an kir lai, tiah theih a si. Nu pawl cu Myitgyina siizung ah an um i, pa pawl cu pengkomh letecelhnak hall ah an chiah hna. Myanmar rammi hna cu- 2020 covid rai a chuah hnu ah riantuan awk a ngei ti loin, phaisa a ngeih ti lo caah Tuluk palek sin ah an i ap i, mah umnak cio ah kir than ding in timhtuahnak an rak ngei, tiah theih a si.

Tuluk ram ahhin Myanmar mi minung 5000 fai an um i rammi (Tuluk mi) sinak an ngeih le ngaih lo embassy le ṭuanvo ngeitu nih an chek hna hnu ah Myanmar mi hna cu Myanmar ram ah kuat ding in tawlrel an si lai, tiah Muse hrambunh mibawmchantu phu in chungtel pakhat nih May tha thawkka ahkhan a rak chim.

Credit;The Chin Post