Apoi Ko Mu, Kawl Ralhrang Nih Nusaltha Minung 5 Bak An Tlaih Than Hna E

Dalaan thawngthanh nak ruangah mipi vengtu PDF chungtel nusaltha minung 5 hna cu kawl ralhrang nih tuchun ah kan tlaih than hna tiah thawngthanh nak an tuah e. Kawl ralhrang nih thawngthanh nak an tuah ning ah cun Mungzua (မုံရွာမြို့) ah PDF chungtel Nu 5 kan tlaih khawh hna, kan riantuan hawi hna nih zumhtlak tein an kan dirpi nak thawngin kan tlaih khawh hna tiah an langhter.

Tuchun zinglei suimilam 10 hrawng ah khan Sagaing region, Mungzua khuapi (မုံရွာမြို့) chung, Natlu Hteihpan sang/veng ah a ummi PDF chungtel nu 5 kan tlaih khawh hna. Tuchun ah kan tlaih mi hna PDF chunghna nu 5 hna lak ah hin Taw-Win-kyuhsing Hotel ngeitu (တော်ဝင်ကျောက်စိမ်း ဟိုတယ်ပိုင်ရှင်) Aye Aye Khain zong ai tel ve.

Aye Aye Khain hi PDF caah bawmhnak phaisa a pe lengmang tu hna asi tiah an langhter. Dalaan ruangah kan pasaltha le nusaltha hna tlaih an ton lengmang mi le thihnak tiang an phak lengmang hi cu lung afak tuk hringhran. Kawl ralhrang kan doh hna hlan ah dalaan pawl hi biatak tein fimtawl le doh hmasa ngaingai a herh chin lengmang ko cang. Credit – Laiholhtlangau

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum