An Thi Tiang Ralkap Uknak Kan Duh Lo Ti Langter Tu Mino 2 I Nulepa

An Thi Tiang Ralkap Uknak Kan Duh Lo Ti Langter Tu Mino 2 I Nulepa. An thi tiang ralkap uknak kan duh lo ti Langter tu mino 2 i nulepa cu ramlakah an tap peng ko. Kayin State, Sanpiah peng 6-nak in um mino kum 17 mi le kum 18 mi Fidel le Pascalle cu nawlngeihnak latu ralkap pawl nih September 9 chun ah an tlaih hna. Anmah hi mipi kilvengtu an si lo.

Khuachung mi pangai an si. Ralkap nih an khua chung hna hnawhnak an tuah ruangah ramlakah an zaam. September 9 chun ah an khua dirhmun zoh dingin an va kal i ralkap pawl nih an rak tlaih hna. Ralkap nih an kap that hlan ah nan caan a hnu biknak ah zei nan tuah duh?” an ti i zei hmanh zong an chim lo i ralkap uknak kan duh lo ti langternak ah.

An kutzung pathum cu an tung hnu ah an kah that hna. An hman thlak cu vawllei cung hmunkip ah a langh thlu. Hringtu an nulepa zong ralkap pawl ṭih ah ramlakah an um lio a si. Mi bawmtu pawlkom in an umnak ramlakah an va tong i bawmnak an va pak hna. Ṭuanvo ngeitu pakhat Khun Aung Zay Ya nih Fidelle le Pascalle i an nulepa umnak

Ral zaam sakhan ah kan va kel, Pascalle (korsen hruhtu) i a nulepa lawng kan tong kho. Fidelle I a pa cu phone in ka chonh i amah cu ka tong kho lo. Fidelle i naupa cu June 23 chun ah thisen cancer in a thi. Fidelle nih a nulepa le a farnu 2 a thi tak hna. Pascalle zong hi hringtu nu agnei ti lo. Pascalle hi a pa le a unau 3 a thi tak hna tiah a ti..