An Ralkap Le Mipi An Kar Lakah Hin A Tu Bantuk In Kan Hmuh Khawh

Rak zoh cio tuah u. Zoh an nuam hi. Zeidah an tuah timi tucu a vieo hi credir a si i a kong lam zei h manh langhtermile tarlanghmi  aum lo. Ralkap le mipi hi tluk in an karlakah dawtnak a um ahun zeihmanh nih a teikho tihna lailo. Hihi Chinmi zong nih i zohchunh kohna usih. Atanglei ah video a um lai. Capar dang relchap. Zeizong Te Hi Khualtlung An Si Dih Ko

Nifatin na nunnak ah na minung hawi pakhatkhat nih an in chiahta i an in kaltak ahcun na thachia in na ngaihchia len duh hlah. A kal nakding ah an auh duh lo zong a si khawh bantuk in na kal nakding ah zulh an duh lo zong a si kho ve ko. Zei bantuk lam hmanh a hram in a dongh tiang hmun khat ah kan kal ți peng lai tiah ahohmanh nih rikhiahnak tuah a um lo.

Cucaah aho nih an in zulh zong zulh lo zongah nangmah na lam te ah khan na kal peng ko lai. Amah zong na zulh zong zulh lo zongah amah a lam te ah khan a kal peng ve ko lai. Ngakchia ka rak si lio ah ka rak ruat bal. Ka nu he hmun khat ah kan um peng lai. Ka pa he hmun khat ah kan um peng lai i ka unau hna he hmun khat ah kan um peng lai tiah. Ka hawikom hna he i țhen loin kan um ți lai, ka duh ka dawtmi.

Nungak he i țhen ti loin a zungzal hmun khat ah khua a in kan um ți lai tiin a phunphun kan rak ruat tawn i lungduh bia kan rak phai ți tawn hna. Kan kalnak ah kal ve hna seh ti kan duh nain an kan zulh khawh lo bantuk in an kalnak ah ra ve seh ti an duh ve ko nain kan zul kho ve hna lo. A fiang komi cu minung hi aho kan si hmanh ah kanmah le kan lam cio ah kan kal hna. Cu ti kanmah le lam cio kan kal lio ah cun chikkhatte kan i tong ta hna i.

Caan tlawmpal ah kan i țhen țhan hna. Chikkhatte kan i ton lio ah pakhat le pakhat kan i daw, kan i tlaihchan. Pa khat le pakhat kan i nahchuah, kan i doh, kan i rem lo i kan i sii, kan i hua hna. Sihmanhsehlaw caan. A hung tlin cun aho kan si hmanh ah kanmah le kan lam cio ah kan kal țhan hna. Mi thar he chikkhat kan i tong hna i tlawmpal ah kan i țhen țhan hna. Chikkhatte kan i nuam, tlawmpal ah kan țap țhan.

Pakhat le pakhat kan i hua kan ti, tlawmpal a rauh ah kan i ngai i kan i hlam țhan tawn. Cucaah cun na sinah, na nunnak chungah mi thar pakhat khat a rat tikah a rat bantukin a kir țhan te lai ti kha ruat țhan cia.  Atu ka sin i a rat bantuk hin ni khatkhat cu a ka kaltak țhan te lai ti kha ruat cia law a ka kaltak țhan tikah zeitindah ka um lai i ka nunnak ka hman lai timi kha a hlankan in timhlamh chungnak ngeih cia ah a țha.

Minung cu a bu in a ummi kan si hna i pakhat le pakhat ai tlaihchanmi kan si hna. Kan i ton tikah lunglawm tein kan um bantukin kan i țhen țhan tik zongah. I tlaihchannak le i sian lonak kha kan chungah riahter loin lunglawm tein kan i lungsak ding tu kha i zuam cio hna u sih. Minung cu aho kan si hmanh ah chikkhat a ra i chikkhat a kal țhan ding lawng te kan si. Kan siang lo, kal hlah tiah i kham len le i tlaih len ding kan si lo.

Aho an si hmanh ah ra ko hna seh, kir caan zat in kir țhan ko hna seh. An rat lio ah lawmhnak he kan mirh bantukin. An kal țhan tik zongah lung lawm tein mirh khawh i zuam țhan u sih. Minung kan nunnak cu a tawi tuk hringhran. Vawlei ah chikkhatte khual a tlawngmi kan si. Cuccah kan i ton lio ah kan mirh bantukin kan i țhen țhan tik zongah mirh khawh le i lungsak khawh i zuam ko hna u sih.

Zeizong te hi khualtlung an si dih ko.  Mi zeihmanh hi a hmun ding le a um thai ding an um lo. Chikkhat a ra i a kir țhan ding lawng te an si.  Dinnak kha a cat lomi tiva bantukin luanter camcin ko u (Amos 5:24). Salai K. Biak Lian Thawng.  A biapi kho tuk. Atth atuk hringhra. Hi bantuk capar  hi rel lengmang dinga si. Kan herh tukmi a si. A bikmi in mino hna ozng a tu in kan theih a herh. A tthah taktak.   VIDEO