an Kan that tu ralhrang in lo le an kan khangh piak tu he thil icawk hi hmai hngal awk a um maw zoh tuah

12/9/22 ah Falam Cinmual sangah SAC ralhrang nih thil an zuar lio a caw tu an si.” Mipi caah manfawi tein thil phun 16 kan zuar hna i, a rak cawtu mipi an hlunghlai i an tam kho taktak” tiah ralhrang nih an thilcaw hna hmaanthlak he an thanh.Credit;Salai William HC.

 

 

Mandalay ramThen, Madaya(မတ္တရာ) peng ah kahdohnak a chuak i, SAC ralkap nih an kahmi hriamngan cu anmah lei lila ah a tlak caah SAC ralkap 13 an thi, 15 nih hliamhma an tuar tiah PDF tualchung hriamtlai phufonh nih cathanh an chuah tiah theih a si.

 

 

Nihin September 12, zinglei suimilam 9:00 ah Madaya peng Shinhla(ရှင်လှ), Ayekyun(အေးကျွန်း) le Yelaykyun(ရေလည်ကျွန်း) khua hna ah umhmun a khuar mi SAC ralkap le PDF tualchung hriamtlai phufonh kar lakah kahdohnak a chuak.

 

 

PDF battalion 15(Tiger King) nih lamhlatnak hmun in hriamngan hmang in voi 12 tiang an kah khawh hna. Suimilam cheu hrawng kaphnih ikahdoh hnu ah tualchung hriamtlai phu lei hlianhma tuarnak umlo tein hnu an tolh kho tiah theih a si.

 

SAC ralkap lei nih an kahmi hriamngan pahnih cu anmah pawng lila ah a tlak caah hliamhma tuarmi an tam i a thimi zong an um hi a si.

Tutan SAC ralkap kahdohnak ah hin Shwebo pengkomh battalion 15( Tiger King) le Kaungkin dohthlennak tuahtu phu (Madaya), Shwebo pengkomh battalion 17 , Shwebo pengkomh battalion 18, Ayeyarwady Madaya phu, GZ Special Task Force, Daungni, Sagaing battalion 2 Tat-khuai 1, Shwebo pengkomh battalion 2, G Fatt phu le tualchung hriamtlai phufonh hna tiah theih a si.

2022, September 7 ni ah Chin tualchung hriamtlai phu simi CDF, Mara le CDF Matupi phufonh nih SAC leiin an thlah mi thawnglatu minung 3 an tlaih hna tiah theih a si.

CDF, Mara battalion 1 ah a thli in a lut i thawng hlatnnak a tuahtu, SAC ralkap lei thawnglatu minung 3 hna nih CDF-Mara battalion 1 i an cycle 2 cu an fir piak hna. Cycle firtu ralkap 3 cu Matupi lei ah an zaam ti thawng an theih caah CDF, Mara nih CDF, Matupi sinah lamkham piak dingin an pehtlaih hna caah kaphnih i bawm in an tlaih khawh hna hi a si tiah theih a si.

Kaphnih hriamtlai phu nih an tlaih mi SAC lei tang minung 3 cu an thilri an chekpiak hna tikah kutin hlonh khawh mi bomb pahnih an hmuh tiah tuanvo ngeitu sinin theih a si.