An I Kap Cang

An i kap cang. Faak pi’n thlacam ko hna usih. Teinak cu Bawipa kut ah a um ko.Relchap –  Ka Thih Zongah Ka Thi Ko Lai Teh, Nan Duhnak Cu Kan Zul Kho Hna Lo: President U Win Myint.Oct 12, tuni ah Suh Kyi le President U Win Myint cu  Naypyidaw biaceihzung ah chuahpi an si i President Win Myint nih cun ralhrang nih nawlngeihnak an lak ni i a tonmi kong a chim.

Ralhrang nih nawlngeihnak an lak lai Feb 1, 2021 zingka te ah ralbawi ngan pahnih cu President umnak ah an kal i “ka ngandamnak a tha ti lo tiin na rian in i din tiah an fial. President nih cun ka ngandamnak a tha ko, cucaah ka rian in kaa din kho lo tiah a leh hna. Ralbawi pahnih nih cun naa dinh lo ahcun nan nunnak caah a poi kho tiah an ti. Cu tikah President nih cun.

Ka thih zongah ka thi ko lai teh, nan duhnak cu kan zul kho hna lo” tiah a leh hna. Cuticun Feb 1, 2021 zan ah ralhrang nih rampi nawlngeihnak cu an lak i President U Win Myint le Suh Kyi telh in hruaitu tampi an tlaih hna. Ralhrang Nih An Tlaihmi Chin Mino 4 An thlah Cang Hna. Chin ramkulh Paletwah khua Lock-up ah hrenmi Chin mino 4 hna cu Oct 12, tuni ah an bia ceih a si i thlah an si cang tiah theih a si.

An thlahmi pakhat i a pa nih cun “Atu te kha inn an rak phan. Chim awk tha loin kan i lawn. Dantat awktlak sualpalhnak an ngeih lo caah biaceihzung nih an thlahmi hna a si. Thlacamnak in a kan bawmtu, thazaang a kan petu, ruahnak a kan petu nan dihlak cungah kan i lawn tuk” tiah a chim.

Crd – TCP