Afak tuk ee ral hrang Nih Nufa hna an thah hna pin ah an pa zawng an thah chih’

Mong Hsu(MineSoe tiin rel) Mawtaw Lam Cungah Chungkhar Minung 3 Thah An TongShan ramkulh thlanglei, Mong Hsu peng, MineAw khua lampi cung ah chungkhat minung pathum cu nizan July 18 zanlei ah meithal in lahthah an tong tiah tualchung mi hna sin in theih a si.Mong Hsu peng, TaungYo le MineAw karlak ah chungkhar minung pathum nih an i citmi mawtaw cu methal in an kah hna caah nufa hna cu a hmun ah an thi colh tiah tualchung mi hna sin in theih a si.

 

” An pa cu a thih rih lo caah siizung ah an kalpi. Siizung a phanh ah a nunnak a liam ve .A thi mi ngakchia te cu kum 1 hrawng te lawng a si rih” tiah tualchung mi hna an chim tiah Mekong thawngzamh nih a langhter.Mong Hsu peng hi ralkap sakhan nan chuaktak lai ti kong he pehtlai in SAC ralkap le SSPP karlak ah kahdohnak a fahnak hmun zong a si.

 

 

Cu chungkhar pathum cu meithal kahthah an tonnak hmun a pawngkam ah SAC ralkap sakhan pakhat a um tiah SSPP nih an thanh.MineAw khuakomh cu Shan hriamtlai phu a si mi SSPP/ SSA hna an hmunhma si bantuk in SAC ralkap hna zong umhmun an khuar ve tiah theih a si,

Myitkyina PDF Nih Cawlcanghnak Kong He Pehtlai In Nawlnak Cathanh ChuahMyitkyina khuapi chungbah zeitik caan paoh ah kahdohnak le puahkehnak a chuak kho asi, Cucaah SAC ralkap mawtaw hnu in le a pawngkam ah mizapi umlo ding, Kahdohnak a can lio ah Social media ah tar lo ding in le CCTV a ngeimi hna nih off piak ding , SAC ralkap he ai pehtlai tiah ruah mi le lunghrinh mi thil fun pawl va tonghtham lo ding ah nawlnak an tuah.

 

Myaung Peng Ah SAC Ralkap Nih Rallam An Sial I PDF Sakhan Pakhat An Khangh!Sagaing ramthen Myaung peng khuate cheukhat ah SAC ralkap hna cu rallam an sial i khua pawngkam ah a ummi PDF-Taloke sakhan cu nihin July 19 zinglei ahkhan an khangh, tiah Bo Mine Wai nih a chim.Khuachung ah SAC ralkap hna cu an lut i, PDF nih doh ding in an va kalhnawh hna ah cun sakhan cu an rak
hrawh dih cang, tiah theih a si. tuanvo ngeitu Bo Mine Wai nih cun, “SAC ralkap an ra lai ti thawng kan theih i zaan riak in kan hngah

 

hna nain lam dang in an kal caah SAC ralkap nih khua an rak kan phanh khanh i, timhtuahnak caan kan ngei lo,” tiah a chim.
Minung aa khawngdeng mi an um lo nain Sakhan cung thilri vialte a kangh dih caah bawm hau dirhmun in an um, tiah theih a si. Cu SAC ralkap hna nih cun July 17 zong ah khan KyaukyitSeywa le Myitsung khua ah hriamngan an kah i kum 21 nute nunnak a liam pinah ngakchia 2 zong hliam an tuar. Ngaungkaya) khua cu (July 19) tuzingka ah khan hriamngan an kah i khuami cu an zaam hna, tiah theih a si.
Credit; The Chin Post