AA nih ralhrang 37 an thah hna pinah an hriamnam an laakmi a si lung ahmuituk kan ralhna cu Bawipa thawngin

 

 

AA nih ralhrang 37 an thah hna pinah an hriamnam an laakmi a si, ralhrang hliamtuar cu relcawk lo an si lai an ti asunglawituk Bawipa nih A kan um pi kan mipi ralkap mipi lei tang nih tei nak an hmuh deng cang thawngpangtha nikhat hnu nikhat in a kan theih ter khawh bawipa thawng asi,

 

Thawngpangdang,Nihin August 15 ah, Kalaymyo khuapi datsi man cu gallon khat ah Ks. 20,000 a phan cang, lamkam datsi zuarnak dawr ah cun cycle pakhat nih gallon khat nak tam cawk a ngah lo, tiah theih a si,Kalaymyo khuachung um mi datsi cawtu pakhat nih, “Lamkam ah datsi zuartu hna nih gallon khat ah Ks. 18,000 in Ks.20,000 ah an kaih, cu hmanh cu cycle pakhat ah gallon khat leng cawk an kan sianh lo,

 

 

 

 

Cu hlan ah cun datsi litre khat ah Ks.1000 in kan cawk nain, atu ah cun litre khat ah Ks. 5000 a si cang. Dawr ngan deuh cu chun hnu in an khar, lamkam dawr pawl tu ah cun tlawm tete in cawk khawh rih a si,” tiah a chim.Datsi laknak a har leng ah lampi ah caan saupi a rauh tawn caah Kalaymyo khuapi datsi dawr ngan deuh zong chunnitlak zuar ding an ngei hna lo, tiah theih a si,Datsi dawr ngan ngei,

Tu pakhat nih cun, “Datsi kan zuarmi hi chunnitlak zuar ding a um lo, chun suimilam 12:00 tiang hrawng lawng kan zuar. Kawl lei zong ah cu hlan bantuk in datsi kan duhzat kan caw kho lo,” tiah a chim,Kalaymyo ah hin August 12 zing lei tiang ahkhan datsi gallon khat ah Ks. 12,000 a si i, zaanlei ah cun ks.14,000 ah a kai. Chin ramkulh, Hakha khuapi zong ah datsi gallon khat ah Ks.15,000 a phan i, caan rau lo ah datsi a dih kho dirhmun a phan, tiah theih a si.

 

 

Thawngpangdang,North Korea ram he pehtlaihnak tha deuh kan ser lai, tiah Russia President Putin nih a chim. Ramhnih kar pehtlaihnak tha kan sermi nih hin chawlehnak lei ah hlawknak tampi a chuahpi lai, tiah North Korea Independent day ni i Putin cakuat mi ah cun aa tel. North Korea le Russia cu Vawlei ralpi pahnihnak lio Japan ral in teinak kan rak hmuh hnu in kaphnih kar ah pehtlaihnak tha a ngeimi kan si, tiah Kim Jong Un nih cun a chim ve.

 

Ramdang hna nih raltuknak in siseh, tlerhkhonhnak a kan tuah ruangah tu bantuk in ramhnih kar pehtlaihnak tha kan sernak hi a si, tiah Kim Jong Um nih cun a chim chap. Russia nih Ukraine ram ramkulh pahnih cu a zalen mi ram an si, tiah a phuan hnu in N. Korea nih cun cu ramkulh pahnih cu phungning tein cohlannak a rak tuah.
Credit;Th Chin Post