A Ruak Lak An Duh Len Ko Nain Ralkap Nih An Sian Lo

Hihi an langhter colhmi a si. Media nih thil cang le cangka in a langhter lo. May thla 4 ah Khan Pyay khuapi Innwa Bank cu mizei ti thei lomi nih bomh an puah i Kawl ralkap nih bomb a puahtu cu an kawl. Nawin Kwat Thit ah an lut i bomb puahtu cu an kawl peng. An lung hrin deuhmi hna kha an tlaih hna i bia an hal hlan ah a tuk an vuak i cu.

Hnu ah bia an hal hna. Nupi ngei rih lomi tlangval Ko Kye cu an lung hrinh ruang ah an tlaih ve . A mah hi Kumkul le kumthum mi a si .Tlangval Kokey cu an vuak a fak tuk caah a a vuaknak ah a thi. A ruak hi ralkap siizung ihkhun zakhat a umnak ah an chiah i a thaizing ah a chungkhat hna nih a ruak cu an va zoh i chikkhatte Chung long ah a mui.

Cu an zohtet hna. An vuaknak ah hin a hmai zong a phing viar i a takpum zong a khuai. Ralkap hna nih cun hi a thimi pa a thihnak cu hi ti hin an chim. A thihnak a ruang cu motor in kan phurh lio ah a tla i ahliam hma a tuar hnu ah a tuar kho ti loin a thi tiah an chim. A ruak cu lak an duh caah lak ding ah ralkap sinah cun an hal leng ko nain ralkap.

Nih an sianh hna lo. Ralkap pwl nih cun kanmah nih kan phum lai an ti i a chungkhar nih a si ah cun Nan phun lio kan zohtet uh zoh kan duh ti an hal lennak i cu zong cu ralkap nih a duh thiamlo I Zantim ah a chungkhat hna cu inn ah an tin ter hna. Lunghrinh i an thah hlei ah a ruaklak hmanh an sianh lo.