𝗩𝗼𝗶𝗸𝗵𝗮𝘁 𝗵𝗺𝗮𝗻𝗵 𝗕𝗶𝗮𝗸𝗶𝗻𝗻 𝗽𝘂𝗺𝗵 𝗮 𝗱𝘂𝗵 𝘁𝗶𝗹𝗼 𝗺𝗶 𝗡𝘂𝗻𝗴𝗮𝗸 𝗻𝘂𝘁𝗲 𝗰𝘂 𝗣𝗮𝘀𝘁𝗼𝗿 𝗽𝗮 𝗻𝗶𝗵 𝗿𝗶𝗮𝗻 𝗽𝗮𝗸𝗵𝗮𝘁 𝗮 𝗳𝗶𝗮𝗹 𝗶 𝗕𝗶𝗮𝗸𝗶𝗻𝗻 𝗮𝗵 𝗶 𝗽𝘂𝗺 𝗹𝗼 𝗶𝗻 𝗮 𝘂𝗺 𝗸𝗵𝗼 𝘁𝗶 𝗹𝗼

Biakinn pakhat ah Nungak pakhat nih cun Pastor pa cu a va panh i Saya zeitik hmanh ah Biakinn ah ka rak i khawm ti lai lo tiah a ti . cu bak cun pastor pa nih cun ‘Nute” zeiruang ah tiah kan hal kho lai maw tiah a ti .nungak nu te nih cun aw rak ka hal ko kan chimh lai .

“zeiruang ah ti ah cunmi thenkhat cu Biakinn chung ah an thu i an phone an tong i hman an thla video an record an duh poah in an um i an duh le nungak/tlangval pawl zong Wine an ding Beer an ding i an ri an i nuam , an thinlung cu Pathian tih nak zeihmanh a um hlei lo , Biakinn a ra mi minung pawl hi mi zei si lo mi lawngte an si ” tiah a ti .

Pastor pa nih cun ‘Nute’ bia khiah nak na tuah hlan ah rian pakhat kan fial kho hnga maw tiah a ti i nungak nu te nih cun aw ngah ko na duh mi poh rak ka fial ko tiah a ti ve .Pastor pa nih cun ,”Nute khuat pakhat in i lak law khuat chung ah cun ti khat tein chia law na kut in khuat cu i ken law khuat chung i ti kha tle lo tein Biakinn hi voi(3) in na hel lai tiah a fial . nungak nute zong nih cun pastor a fial bantuk te cun a kut i aa ken mi khuat chung i ti cu tle lo tein Biakinn cu voi(3) tiang a hel hnu ah pastor pa sin ah cun a ra than .

Pastor pa nih cun “Nute Biakinn na hel lio ah khan mi nih phone an tongh le hman an thlak le video an record lio te hna na hmu maw ? tiah a hal . nungak nute nih cun ka hmu lo , a ruang cu ka kut chung i ti kha a tle sual lai ti ka phang i tha tein ka ven caah midang thil tuahmi zeihmanh ka hmu kho lo tiah a leh .Pastor pa nih cun aa thawh than i ” Nute Biakinn na rat tik ah zeitik hmanh ah midang nun ning na zoh lai lo .

Jesuh nih keimah ka hnu rak ka zul i tiah a kan cah tak i midang nun nak zoh ding in a ka cawnpiak lo pi. midang nun zoh lo in Jesuh nun na zoh chung poah cu zeitik hmanh ah na tlu lai lo i na nun zong a nuam lai tiah a leh ve than .Pathian na biak nak ah hin a ho nun hmanh va zoh hrim hrim hlah , nangmah le na biakmi na Pathian te kha nan i pehtleih ning a tha maw ti lawng ruat law cu ti cun na nun nak ah lomhnak na ngei kho peng lai i hnangam nak zong na ngei kho lai tiah pastor pa nih cun a ti than.
.

Nungak nute nih cun aww tiah alung a hung piang pup i Bawipa sin ah lomhnak a chim i lungtho tein Biakinn panh than ding le Bawipa cu a nun nak dihlak in i bochan than dingin biakhiah nak a tuah than .zumtu kan nunak ah hin midang nun nak kan zoh chung poah cu kan nun ah buainak le mi soisel nak lawngin a khat tawn i Pathian sin in lomhnak zong kan co kho tawn lo . a si nain midang nunnak zoh ti lo in Pathian le kan mah kan i pehtleih nak lawng biapi ah kan chiah ah cun kan thinlung ah zeihmanh nih hnawhnawh nak a kan pe ti lo i lomhnak kan ngei kho .